العميل ما يدور نجم… يدور أحد يفهمه!

تبي الصراحة؟

أغلبنا أول ما يدخل عالم منصة تويتر (إكس) يطيح في نفس الفخ:

"أبي أوصل 10 آلاف متابع، وبعدها العملاء بيجون لحالهم."

بس بعد ما جلست فترة أطارد الأرقام، اكتشفت الحقيقة المرة…

العميل ما يدورك عشان عدد متابعينك،

العميل يدور شيء أهم بكثييير 👇

"أنت تفهمني؟ تقدر تحل مشكلتي؟"

هنا مربط الفرس.

العميل أول ما يبدأ يبحث، يكتب في خانة البحث كلمات تعبّر عن اللي يحتاجه:

"تصميم متجر"، "شعار احترافي"، "تحسين مبيعات"…

ويبدأ يدور، ويقلب، ويفتش...

وفجأة يلقى تغريدة منك، بسيطة، فيها مثال أو تجربة أو حتى تصميم شدّه.

يضغط على حسابك، يدخل يشوفك:

– تتكلم عن نفس المجال

– شارك أعمالك

– عندك بايو نظيف، واضح

– تغريدة مثبتة تعطي ثقة

– أسلوبك مهني بس مو متكلف

وفي لحظتها، يحس بإحساس مهم:

"الرجّال هذا يفهمني… خل أراسله."

وهذا اللي صار معي فعليًا.

أول 3 عملاء جوني وأنا ما عندي 300 متابع.

ولا واحد فيهم قال: "ما شاء الله متابعينك كثير، خليني أطلب منك".

تخيل لو كنت قاعد ألاحق الترند وأحشر نفسي في كل هاشتاق عشان أزيد المتابعين؟

كان يمكن ما لقاني أصلًا…